Olympiacosi është ndalur me barazim pa gola nga Pafosi në ndeshjen e parë të fazës së ligës të Ligës së Kampionëve.

Ndeshja e luajtur në Athinë u mbyll me rezultat 0-0, shkruan Arbresh.info.

Qipriotët arritën të marrin një pikë të artë nga udhëtimi në Greqi, përkundër se luajtën nga minuta e 26-të me një lojtar më pak.

Bruno u ndëshkua me të kuq dhe la skuadrën me 10 lojtarë në fushë, por pavarësisht kësaj Pafos u mbajt deri në fund për të fituar një pikë.

Takimin e radhës Olympiacosi e luan ndaj Arsenalit në udhëtim, kurse qipriotët do të kenë punë me Bayernin.

Edhe sfida tjetër u mbyll me barazim por atje pati gola. Slavia Prague dhe Bodo/Glimti zhvilluan super paraqitje ku në fund ndeshja u mbyll 2-2.

Çekët patën avantazh prej dy golave por norvegjezët u rikthyen në fund. Mbodji shënoi për 1-0 për Slavian.

Në minutën e 54-të, Hogh pati mundësi të mirë për të barazuar por nuk u tregua i saktë nga 11-metërshi.

Pas kësaj Slavia dyfishoi rezultatin me golin e Mbodjit në minutën e 74-të. Nuk vonoi shumë dhe Bodo rihapi sfidën përmes Bassit.

Kurse në minutën e 90-të, Fet barazoi gjithçka në 2-2. Deri në fund nuk pati gola përkundër dy mundësive të mira të Slavia Pragues.

Takimin e ardhshëm çekët e luajnë ndaj Interit, ndërsa Bodo/Glimti takohet me Tottenhamin./Arbresh.info

90′ | Hosté vyrovnali, zbývá 7 minut nastavení. Hoši, bojovat!

🔴⚪️ 2:2 🟡⚫️ #slabod pic.twitter.com/V5pBCayTXn

— SK Slavia Praha (@slaviaofficial) September 17, 2025